Кельмаксола школышто руш кугу полководец Михаил Кутузовлан муралым почмо
Советский районысо Кельмаксола кыдалаш школышто руш кугу полководец Михаил Кутузовлан муралым торжественно почыныт. Мероприятий «У школ» партий проектын «Герой- влакын чурийышт» россий кӱкшытан проект кышкарыште Россий просвещений министерствын полшымыжо дене эртен. Погынышо- влакым Муниципал районым вуйлатыше Сергей Халтурин, район администрацийым вуйлатыше Евгений Пушкин саламленыт. Почмаште тыгак районысо туныктыш пӧлкам вуйлатыше Надежда Иванова, Кужмарий ял администрацийым вуйлатышын пашажым шуктышо Иван Янцев, «Родина колхоз СПК-н» еҥже- влак Евгений Ахметов ден Ольга Кузьмина, краевед Леонид Киртаев, воин частьын еҥже- влак Михаил Солосёнков ден Алексей Капустин лийыныт. Михаил Кутузовлан муралым – школ кӧргыштӧ пырдыжеш геройын сӱретлыме кугу портретшым почмаш районлан кугу событий. Проект полшымо дене самырык тукымын герой- влак верч кугешнымашышт да шочмо элым йӧратымашышт пеҥгыдемеш,- палемденыт погынышо- влак.
Фото: Единый Россий.
Фото: Единый Россий.
