Марий Эл гыч 40 тӱрлӧ продукций Российын 100 эн сай сатужо радамыш пурен
Марий Эл гыч 40 тӱрлӧ продукций Российын 100 эн сай сатужо радамыш пурен. Марий Эл Правительстве вуйлатышын икымше алмаштышыже Дмитрий Троицкий Республикым вуйлатышын кӱштымыжӧ почеш «Российын 100 эн сай сатужо» Программын кажне ийын эртарыме Россий кӱкшытан конкурсыштыжо сеҥыше- влаклан наградым кучыктен. Теният конкурс йӱла семын кок йыжыҥ дене эртен. Регионысо йыжыҥыш республикысе 18 предприятий деч 42 тӱрлӧ продукцийым пуымо ыле. Тушечын 40-жым конкурсын федерал йыжыҥышкыже колтымо, 14-ше лауреат, 26-шо дипломант лийыныт. Ятыр предприятийже конкурсшыто икымше гана гына огыл участвоватла да кажне гана эн сай лӱмым нумалаш праван улмыжым пеҥгыдемден ончыкта. Мутлан, Звенигово шылкомбинат, Шернур сырзавод, «Полаир-Недвижимость», «Геникс», «Марий силикат кермыч завод», «Потенциал», Марий картонаж мануфактура, «Вкуснотеев, «Гардиан ДОЗ» да молат. Сеҥыше радамыш конкурсыш икымше гана ушнышо да шкенжым достойно ончыктышо- влакат пуреныт. Тиде «Усадьба» ял озанлык кооператив, посна амалкалче Ольга Гернец да Искусственный коваште завод. Лишыл жапыште республикысе калык кевыт шӧрлыклаште «Российын 100 эн сай сатужо» логотипан сатум ужын кертеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
