Республикысе правительствын тенийсе иктешлыше заседанийже лийын

Республикысе правительствын тенийсе иктешлыше заседанийже лийын
            Йошкар-Олаште Республикысе правительствын тенийсе иктешлыше заседанийже лийын. Тушто «Марий Элын Геройжо-шамыч. Талешке- влак» программын участникше- влакат лийыныт. Каҥашыме йодыш- влак пространственный данныйын калыкле системыже дене кылдалтыныт. Волжский, У Торъял да Шернур районлам муниципал округыш савырыме шотышто пашам лончылымо. Икымше январь гыч округлан администрацийышт у статус дене пашам ышташ тӱналыт. Тиде реформа кундемлам пайдалынрак виктараш, кугу бюрократий процедурым кораҥдаш полша,- каласен республикым вуйлатыше. Посна тӱткышым пайрем жапыште лӱдыкшыдымылыклан ойырымо. Юрий Зайцев каласен: кучемын задачыже тыште- У ийым да Рошто пайремым калык ласкан пайремлен кертшаш. Тидлан 25-ше декабрь гыч 11-ше январь марте республикыште пожар ваштареш шогымо посна режим пашам ышта.. тул пижме ваштареш шогышо службын дежурствыжо тӱшка йоча погыныман 137 объектыште ышталтеш, корным терген шогыман, жапыштыже лумым эрыктыман, машина- влак каен огыт керт гын ырыктыме вер- влакым ыштыман. Республикысе чыла служба утларак ямде улмо режимыш кусаралтын,- увертарен республикым вуйлатыше.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски