Волжский районысо Купсола илемыште вӱдым ситарыме системым модернизироватлат

Волжский районысо Купсола илемыште вӱдым ситарыме системым модернизироватлат
               Волжский районысо Купсола илемыште «Илашлан инфраструктура» калыкле проект почеш вӱдым ситарыме системым модернизироватлат. Кукшеҥер ялын ик уремыштыже паша шолеш- Озаҥысе ТСИ ушемын пашазыже- влак пучым шупшыт. Тӱҥ инженер Рушан Ягудинын мутшо почеш, поро пашалан нечар игечат чаракым ок ыште. Паша шуко. Икымше кече гычак тудым чаткан тӱналме, материалым тӱрыс ситарыме. Бурильщик, насос да варыме узелын операторжо- влак, экскаваторщик-шамыч тыгай объектыште ыштыме кугу опытан улыт. Уремыште паша верыште лавырам шарыме гынат, верысе калык умылен вашлийын. Илалшырак ӱдырамаш- влак ойлат, ондак самырык жапыште вӱдым таве гыч вӱдвара дене нумалынна. Кызыт рвезе- влакын пашаштым ончен, чон куана маныт. Эрден эрак тӱналын, кастене чот пычкемшалтмеш тыршат. Лишыл дапыште вӱд кӱрылтде толаш тӱҥалмылан ӱшаным каласеныт.
            Фото: Волжск район администраций.

Прошлые выпуски