Уло Марий тӱня таче Марий Тиште кечым палемда

Уло Марий тӱня таче Марий Тиште кечым палемда
           Таче- Марий Тиште кече. Республикым вуйлатыше Юрий Зайцев Марий Элысе калыкым тиде пайрем дене саламла. Марий Эл Республике талантан еҥже- влак дене чаплана. Нунын коклашкак лӱмлӧ сылнымут мастар- влакат пурат. Кызытсе писатель- влак чапле произведений- влакым шочыктат да тидын дене ончычсо кугу мастар- влакын йӱлаштым умбакыже шуят.
              Шанче шымлымаш- влак марий йылмым шарен колтымаште кугу верым налын шогат. Шанчыеҥ- йылмызе, историк, культуролог- влакын пашаштлан кӧра грамматикын, лексикын, фонетикын ойыртемже- влак аралалт кодыт. Нине шымлымаш- влак эртыме жапым келгынрак умылаш полшат да кызытсе марий йылмым у открытий- влак дене пойдарат. Тунемме тӧнежлаште марий йылмым тунеммаш, у книга ден учебник- влакым савыктымаш кушкын толшо тукымын калыкле самосознанийжым пеҥгыдемдат, ончыкылан негызым ыштат да тӱвыра поянлыкым перегат.
             Кызытсе тӱня у условий- влакым шыҥдараш тырша, ме  кугешнена- марий йылме ӱшанлын цифран технологий саманыш тошкалын. Тудо социал вотлаште, сайтлаште, форумлаште кучылталтеш. Тидыже самырык тукымлан шке историйжым шымлаш йӧным пуа. Тек тиде пайрем марий калыкын тӱвыражаым да ятыр курымаш йӱлажым арален кодымо символ лиеш,- ойлалтеш республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски