Лӱмлӧ марий спортсменкым Карелийыштат шарнат

Лӱмлӧ марий спортсменкым Карелийыштат шарнат
              Карелийыште Марий Эл гыч спортсменка Римма Пальцева нерген выставкым почыныт. Сегежа оласе тоштер рӱдерыште «Сегежа спортивный» ончер почылтын,- увертарен «Карелийысе марий- влак» организацийын правленийжым вуйлатыше Михаил Асессоров. Экспозицийын ужашыже Россий спортын сулло мастерже, Тӱнян да европын чемпионкыжо, сутка мучко куржмаш дене Европо чемпионатын сеҥышыже да ныл гана призёржо Римма Пальцевалан пӧлеклалтын.
               Римма Пальцева кок ий ончыч ош туня гыч кайыш. 2028-ше ийыште тудлан 80 ий темеш ыле. Ассессоров палемден: Марий Элысе спорт да мер организаций- влакын эртараш палемдыме лӱмгече мероприятий кышкарыште Сегежысе ончер икымше лиеш. Тудын мутшо почеш, Римма Алексеевна 1970-шо ийлаште Сегежысе целлюлоз-кагаз комбинатыште пашам ыштен. Тудын бригадыштыже 14 национальностян калык тыршен. Чылан келшен илен, ик ой дене пашам ыштеныт.
              Тудо ешарен: спортсменке нерген  порын шарнымаш уло гын, тудо калык шӱмыштӧ ила.
Фото vk.ru/asessorov_m

Прошлые выпуски