Оршанкыште «Чап Аллей» мемориалым тӱзландарен пытарыме

Оршанкыште «Чап Аллей» мемориалым тӱзландарен пытарыме
          Оршанкыште «Чап Аллей» мемориалым тӱзландарен пытарыме. 2022-шо ий годсек ыштыме пашан пытартыш йыжынже семын тений шуктымо паша лийын: воин- интернационалист- влаклан чапкӱм уэмдыме, брусчаткым шарыме, саварым ыштыме да тул волгыдым пуртымо, кушкылым шындыме. Пашам «Илашлан инфраструктура» калыкле проект кышкарыште шуктымо
               2022-шо ийыште тиде кумдыкышто йолешке корно шартыш- влакым вашталтыме, у теҥгыл- влакым шындыме, тул волгыдым уэмдыме, фонтаным комыжлымо.
              2023-шо ийыште комплекс монументал ужаш дене пойдаралтын: Кугу Ачамланде сарыште вуйым пыштыше земляк- влакын лӱмыштым возыман мемориалым чоҥымо.
              2025-ше ийыште «Ойгырышо ава» чапкӱ йыр кумдыкым тӱзландарыме: специалист- влак Курымашлык тулын оборудованийжым уэмденыт да реставрацийым ыштеныт. Ынде тушко газ чарныде толеш. Тений воин-интернационалист- влаклан чапкӱлан да у пурымо верлан тӱткышым ойыреныт. Инфраструктурым уэмдыме дене пашам мучашленыт: брусчаткым шареныт, саварым, у волгалтарыме системым вераҥденыт кундемым ужартеныт.- каласкаленыт Оршанке район администрацийыште.
          Фото vk.ru/orshanka_mari_el

Прошлые выпуски