Йошкар-Олаште «Загайнов лудмаш» Россий кӱкшытан икымше хирургий лудмаш эрта
Йошкар-Олаште «Загайнов лудмаш» Россий кӱкшытан икымше хирургий лудмаш 5-ше-6-шо ноябрьыште эрта. Форум Марий Элын да Российын чапланыше врачше, марий медицинын легендыже Евгений Аркадьевич Загайновым шарнымылан пӧлеклалтеш. Мероприятий Марий университетыште Загайнов лумеш аудиторийым торжественно почмаш гыч тӱҥалын. Марий университетыште фундаментальный медицине да биомедицине дене шанче секцийыште докладым Йошкар-Ола да Моско гыч шанчыеҥ- влак докладым ыштат. Студент- влаклан хирургий дене мастар-класс- влак лийшаш улыт. Форумын кокымшо кечыже Республикысе клиничсекий эмлыме верын диагностике корпусыштыжо эрта. Тушто докладым Озаҥ, Угарман, Моско да Санкт-Петербург гыч шанчыеҥ- влак ыштат.
Фото: источник photogenica, автор poznyakov\МариМедиа.
Фото: источник photogenica, автор poznyakov\МариМедиа.
