Рӱдӧ олаштына шылме 12 верым ыштыме

Рӱдӧ олаштына шылме 12 верым ыштыме
           Йошкар-Олаште 12 аралыше укрытийым вераҥденыт. Тудо вучыдымо ситуаций але граждан оборонын сигналже годым шылын шинчаш келыштаралтын,- увертара ола мэрын пашажым шуктышо Антон Трудинов. Пытартыш сооруженийым эҥер серыште Республикысе курчак театр шеҥгелне шындыме. Чыла аралтышыжымат пенгыде армироватлыме бетон дене ыштыме. Тудо осколко, пудештме толкын да лӱдыкшӧ пудырго деч аралышаш. Тыгай объект- влак ола кӧргыштӧ кӱлешан улыт. Уремыште коштмо годым, паша гыч мӧҥгӧ пӧртылмӧ годым лӱдыкшыдымӧ верым вашке муаш манын ышталтын. Укрытий- влакым олан тӱрлӧ ужашыштыже вераҥдыме.
             Фото: Йошкар-Олан мэрийже.

Прошлые выпуски