Лӱмын эртарыме сар операций кундемыш Марий Эл гуманитар полышын У Ий партийжым колтен

Лӱмын эртарыме сар операций кундемыш Марий Эл гуманитар полышын У Ий партийжым колтен
               Лӱмын эртарыме сар операций кундемыш Марий Эл гуманитар полышын У Ий партийжым колтен. Мемнан земляк- влаклан кум фура гуманитар, сарзе-шеф полышым, у ий пӧлек- влакым куд регионыш да шефыш налме Куйбышев районышкат наҥгаят. Республикым вуйлатыше Юрий Зайцев 61-ше черетан гуманитар конвойым погышо- влаклан кугу таум каласен. СВО кундемыш 25 кубометр утла пиломатериалым, профнастилым, кӱртньӧ уголок ден пучым, генераторым, теплоизоляцийым, окоплык коҥгам, сортам колтымо. Груз кышкарыште тыгак телымсе орава, маскироватлыше вот, кок УАЗ «Буханка», кок «Нива», «Приора», УАЗ «Хантер» автомобиль- влак, прицеп, кок электросамокат, кок мотоцикл, кум пычал, боеприпас да молат улыт. Тыгак электрон оборудований- квадрокоптер, дрон детектор, спутник кыл системе, раций да шуко молымат оптымо. Посна тӱткышым Куйбышев районысо йоча- влаклан да военнослужащий –шамычлан у ий пӧлеклан ойырымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски