Марий Элыште коронавирус дене черланыше- влак 91-ыш шуыныт
Эртыше суткаште Марий Элыште эше 11 еҥын коронавирус инфекцийым пеҥгыдемдыме. Тыге черланыше радамыште 91 еҥ шотлалтеш. 8 еҥ тӧрланен, ик еҥ ӱмыр лугыч лийын. Таче эрлан Йошкар-Оласе эмлыме верын инфекций пӧлкаштыже 109 еҥ эмлалтеш. Нунын кокла гыч 23 еҥже нелын черланен, 85 еҥын тазалыкше кокла нелытанлан шотлалтеш. Кок еҥын шодышкышт южым искусственно пуат, 38 еҥлан кислород ешаралтеш. Республикысе йоча клинический эмлыме верыште ныл пациент уло. Нунын тазалыкышт лӱдыкшым ок лук. Звенигово эмлыме верыште теҥгече ик еҥым тӧрланымылан кӧра мӧнгыжӧ колтымо. Кызыт тушто 6 еҥ уло. Ковидым пеҥгыдемдыме огыл. Козьмодемьянскысе эмлыме верыште 5 еҥ эмлалтеш, нунынат черыштым пеҥгыдемдыме огыл. Волжск олаште кок еҥым эмлыме верыш пыштыме. Черышт пеҥгыдемдалтын огыл. Медведево ЦРБ-ште пеҥгыдемдыдыме кок еҥ уло. Чыланат тазалык шот дене кокла нелытанлан шотлалтыт.
