Российын правительствыже Марий Эллан кӱлешан кок документым пеҥгыдемден

Россий правительстве председатель Михаил Мишустин Марий Элым 2020-шо- 2024-ше ийлаште социально- экономически вияҥдыме индивидуальный программым пеҥгыдемден. Тудын почеш республикым вуйлатыше Александр Евстифеев программым шыҥдарыме йодыш дене икымше совещанийым эртарен. Погынымашым тӱҥалме годым тудо эше ик куанле увер дене палдарен: Угарман - Йошкар-Ола «Поветлужье» автомобиль корным федерал кӱкшытыш кусарыме. Тыгай кок кӱлешан документым Российын правительствыже пеҥгыдемден. Эн ончычак Александр Евстифеев Российын Правительствыжлан, Федераций Советлан, тыгак республикын кураторжо, Российын чоҥымаш да ЖКХ минстрже Владимир Якушевлан тауштен. Программым пеҥгыдемдыме. Тушто тидымат палемдыме: илышыш шыҥдарыме почеш 2024-ше ийыште, индивидуальный программым 2025-ше 2027-ше ий марте шуяш лиеш. Тыге 7 ийлан тудын ончыкылыкшо кугу. Программын целевой показательже- калыкын парышыже кушмаш, пашадымлык дене кучедалмаш, республикын инвестиций куатшым кугемдымаш, вӱдым ситарыме, кундемлан тӱзландарыме, калыкын илышыжым саемдыме йодыш- влакым виктарен колтымаш. Кугу тӱткышым ял озанлыклан ойырымо. Тиде программе почеш вич миллиард теҥге ойыралтеш. Тудым вич ийлан шеледат. Республикысе кучем тыгай ӱшаным калалсен: индивидуальный программе республикым вияҥдыме кӱлешан инструмент лиеш.

Прошлые выпуски