Таче республикыште короновирус черланыше- влак 10 еҥлан ешаралтыныт да 80-ыш шуыныт
Республикысе Роспотребнадзор виктем корнавирус инфекций шарлыме ваштареш мероприятий- влакым умбакыже шукта. 13-шо апрельлан шотлымаште 80 черланышым палемдыме. Тыге черланыше- влак дене кылым кучышо у 10 еҥын черыштым пеҥгыдемдыме. Лабораторийлаште 8 тӱжемат 51 шымлымашым эртарыме. Кажне кечын медицина эскерымаште 843 еҥ шотлалтеш. Тушечын 729 еҥже чераныше- влак дене кылым кученыт. Эскерымаш гыч кок тӱжемат 100 еҥым кораҥдыме. Тушечын 53 еҥже йотэлын гражданинже улыт. Роспотребнадзорын еҥже- влак полицейский- шамыч дене пырля пашам чарныдыме предприятий- влакым тергаш рейдыш лектын коштыт. Тыге 274 объектым тергыме. 11 организацийлан 34 тӱжем теҥге штрафым тӱлыктымӧ. Судын пунчалже почеш ик ужалкалыше рӱдерын пашажым 30 суткалан чарыме. Самоизоляций режимым пудыртышо- влакымат мут кучаш шогалтат. Тыге кум еҥлан штрафым тӱлыктымӧ.
