Йошкар-Ола кундемыште тулым ылыжташ ок лий
Йошкар-Олаште пожар ваштареш посна режимым увертарыме. Тудым Ола администрацийын пунчалже почеш пуртымо. Режим жапыште тулотым ылыжташ, шӱк-куштырам йӱлалташ, ола округысо илемлаште тул пижын кертме пашам шукташ, ял озанлык мландыште, аралыме пӱртӱс кумдыклаште тулым ылыжташ ок лий. Режимым пудыртышо- влакым административно мут кучаш шогалтат. Республикысе чодыраште тул пижын кертме лӱдыкшӧ тургым 10-шо апрельыште тӱҥалын.
