Марий Элыште эн сай экспортёр- влакым саламленыт

Марий Элыште эн сай экспортёр- влакым саламленыт. «Марий Элыште талукын Экспортёржо» тӱнямбал коопераций да экспорт аланыште икымше республикысе конкурсын сеҥышыже- влакым республикысе инвестиций да экспорт вияҥмаш агентствыште палемденыт. Сеҥыше предприятий- влакын вуйлатышышытым промышленность министр Станислав Крылов ден агентствым вуйлатыше Дмитрий Васенин саламленыт. Промышленностьыште талукын экспортёржо» номинацийыште кӱртньӧ да пӧлем кокласе омсам йот эллаш колтышо «Монфор» ушем лектын. «Кӱкшӧ технологий» аланыште шинча черым эмлыше приборым лукшо «Добродар» ушем сеҥен. «Прорыв года» номинацийыште кофем лугаш, мороженыйлан, косметикылан, медицинылан пу пашкар-влакым лукшо «Таливенда» ушем палемдалтын. Сатужо тӱня мучко кая. Кум сеҥыше да 13 экспортёр-предприятий округысо йыжыҥыште таҥасымашке йодмашым пуэныт.

Прошлые выпуски