Марий Элыш «Газпромын» делегацийже толеш
Эрла, 30-шо августышто, Марий Элыш «Газпром» акционер ушем правлений предеседатель Алексей Миллерын кӱштымыж почеш паша визит дене «Газпром трансгаз Нижний Новгород» ушемын генеральный директоржо Вячеслав Югай ден «Газпром» рӱдӧ аппаратын еҥже- влак толыт. Алексей Миллерын окса полышым пуаш келшымыж деч вара, Республикым вуйлатыше Александр Евстифеев ден Газпромын представительже- влак Волжский районысо Приволжский посёлкышто физкультурно-оздоровительный комплексым чоҥен пытарыме нерген йодышым ончаш тӱҥалыт. Палемдыман: Газпром дене кугу инфраструктуро да социал проект- влакым пырля илышыш шындарымаш республикысе правительствын шуктымо сомылжылан кӧра лийын кертын. Ушештарена: Приволжский посёлкышто спорт комплексым 2012-шо ийыште чоҥаш тӱҥалме да 2016-шо ийыште, окса укелан кӧра, чарен шогалтыме. Чоҥен шукташлан 145 миллион теҥге окса кӱлеш.
