Куд ийыште кум миллион квадрат метр илыме верым чоҥаш кӱлеш.

Куд ийыште кум миллион квадрат метр илыме верым чоҥаш кӱлеш.
Марий Элыште «Илыме вер» регионысо проект почеш 2025-ше ий марте кум миллион квадрат метр илыме верым чоҥаш кӱлеш. А тенийлан 410 тӱжем квадрат метрым ыштен шукташ палемдыме. Январь гыч июль марте 122 тӱжем квадрат метрым пашаш колтымо. Тидыже 30 процент лиеш. «Илыме вер» проект денак келшышын, тений Медведево районысо Шоядӱр ял воктене чоҥымо илыме верла деке корным чоҥыман. Тидлан 33 миллион теҥге окса кӱлеш лиеш. Корнын кужытшо ныл меҥге утла лийшаш. Икымше августлан тиде корнышто кугу пашажым шуктымо. Чыла сомылым декабрьыште ыштен шуктышаш улыт. Корным ыштымеке, посна пӧртлам ыштен шуктымо йодышат писештшаш. Кызыт 28 пӧртышкӧ илаш пуреныт. Проект почеш илыме верым чоҥаш у кумдыкым айлыме шотыштат паша шукталтеш. Тений эше 39 мланде участкым айлышаш улыт. Льготан категорий еҥ- влаклан илыме верым ситарыме шотыштат программе шындаралтеш. Тений тиде тӱшка гыч 158 еш илыме веран лийшаш.

Прошлые выпуски