Эше ик корным норматив марте тӧрлен шуктымо
«Лӱдыкшыдымӧ да сай качестван автомобиль корно- влак» калыкле проект- влакым шыҥдарыме кышкарыште Куяр- Солнечный- Роҥго автомобиль корнын 12 меҥге кужытшым пашаш колтымо деч ончыч кугыжаныш комиссий терген лектын. «Медведевоагродорстрой» подряд организаций 42 тӱжем утла квадрат метр кумдыкышто чыла велымат корным тӧрлен. Пашалан контрактын акше 129 миллион теҥгеш шуын. Кугыжаныш комиссий шуктымо пашам сайлан шотлен да 12 меҥге кужыт корно дене пайдаланаш лиеш манын. Советский районым вуйлатыше корно пашаеҥ- влаклан тауштен ойлен да районысо экономикым вияҥдаш, калыкын илышыжым саемдаш сай йӧн лийын манын каласен.
