Александр Евстифеев туныктышо- влак дене вашлийын
У тунемме ий тӱҥалме вашеш поро йӱла семын туныктышо да педагог- влак дене Республикым вуйлатыше Александр Евстифеев вашлийын. Республикысе туныктышо- влакын теҥгече калыкле президент школ-интернатыште эртыше августысо конференцийыштышт туныктышо- влак дене калыкле проект да туныктымо у йӧн- влакым каҥашеныт. Мероприятийын офциальный ужашыже тӱҥалме деч ончыч Республикым вуйлатыше школ тоштерым ончен лектын, школым вуйлатыше дене йоча- влакым ойырен налме да ончыкылык тунемшым ямдылыме нерген мутланен. Александр Евстифеев конференцийым почшыла, погынышо- влакым тунемме идалык лишемме дене саламлен да ушештарен: Российын Президентше Владимир Путин Российысе школым тӱнямбалне ик эн сайым ышташ задачым шынден. Марий Элыштат туныктымо системылан кугу тӱткыш ойыралтеш. Тений федерал бюджет гыч туныктымо тӧнеж- влакым чоҥаш ик миллиард утла теҥге оксам ойырымо. Йоча садлаште 888 ешартыш верым почмо. Визимьяр ден Медведевыште садикым чоҥаш контрактым ыштыме. Школ- влаклан 69 автобусым пуымо. Кызыт эше 41 автобус толшаш. Тений тунемме книга да пособийлан, ик тунемшылан шотлымаште, 150 теҥге гыч тӱжем теҥге марте
Оксам кугемдыме лиеш. Кугу Сеҥымашлан 75 ий темме лӱмеш шушаш ийым Шарнымаш идалык семын увертарыме. Сандене йоча-влакым патриотизм шӱлышеш шуарыме йодышлан кугу вер ойыралтшаш. Александр Евстифеев педагог- влаклан шуктымо пашаштлан тауштен да чылаштлан сеҥымашым тыланен. Ойыртемалтше туныктышо- влаклан сулен налме наградым кучыктымо. «Марий Элысе образованийын сулло пашаеҥже» лӱмым Морко районысо Купсола школым вуйлатыше Тамара Михайлова, Автодорожный техникум гыч туныктышо Николай Щегловлан пуымо. Икмыняр еҥ республикым вуйлатышын тауштымашыж дене палемдалтын. А Козьмодемьянск оласе Лицейыште химийым туныктышо Анна Малежина «Марий Элын калык туныктышыжо» Чап лӱмым налын.
Оксам кугемдыме лиеш. Кугу Сеҥымашлан 75 ий темме лӱмеш шушаш ийым Шарнымаш идалык семын увертарыме. Сандене йоча-влакым патриотизм шӱлышеш шуарыме йодышлан кугу вер ойыралтшаш. Александр Евстифеев педагог- влаклан шуктымо пашаштлан тауштен да чылаштлан сеҥымашым тыланен. Ойыртемалтше туныктышо- влаклан сулен налме наградым кучыктымо. «Марий Элысе образованийын сулло пашаеҥже» лӱмым Морко районысо Купсола школым вуйлатыше Тамара Михайлова, Автодорожный техникум гыч туныктышо Николай Щегловлан пуымо. Икмыняр еҥ республикым вуйлатышын тауштымашыж дене палемдалтын. А Козьмодемьянск оласе Лицейыште химийым туныктышо Анна Малежина «Марий Элын калык туныктышыжо» Чап лӱмым налын.
