Поҥго чодыраш ӱжеш да корным шылта

Поҥго чодыраш ӱжеш да корным шылта
Ик сутка жапыште гына республикысе чодыраште вич еҥ корным йомдарен. Кечывалым утарыше службыш увер пурен: Медведево районысо Изи Туршо ял кундемысе чодыраште поҥгым погаш мийыше 78 ияш ӱдырамаш йомын. Тудым 7 утарыше кычалаш лектын. Но ковай шке корным муын, чодыра гыч лектын. Вара Звенигово районысо «Таир» интернат велыштыла Чебоксар гыч 38 ияш пӧръеҥ кушкыла каяш пален огыл. Тудым ик шагат жапыште муыныт. Утарыше- влакын спецсигналышкышт лектын. Кастене Таир ер воктене кок пӧръеҥ йоммо нерген увер пурен. Утарыше- влак кум шагат кычалыныт да муын, корныш луктыныт. Кастенак 50 ияш пӧръеҥ Пембе ден Сурок посёлко коклаште йомын. Ныл шагатат пеле кычалмеке, тудымат родо-тукымжылан кучыктымо.

Прошлые выпуски