Марий Эл бизнесым вӱдашлан йӧным саемда

Марий Эл бизнесым вӱдашлан йӧным саемда
               Марий Эл бизнесым вӱдашлан йӧным саемда. Регионым вуйлатыше Юрий Зайцев Москошто экономик вияҥмаш министр Максим Решетниковын эртарыме совещанийыште лийын. Тушто Юл кундем федерал округышто бизнес-климатым саемдыме йодышым каҥашыме. Вашлийме кышкарыште Марий Элым вуйлатыше тиде йодыш дене палемдыме целыш шуаш мероприятий планым шыҥдарыме нерген ойлен. Республикыште промышленностьым  вияҥдыме фонд пашам ышта. 2030-шо ий марте тудын шийвудыжо ик миллиардат 900 миллион теҥгеш погына. Тиде жапыште фонд 963 миллион теҥгелан 53 займым пуэн. Омса ден окна конструкций- влакым ыштыме, ужалкалыме да йӱкшыктарыше оборудованийым лукмо, чодыра да радиоэлектрон промышленностьышто проект- влаклан полшымо.                  Инфраструктурын эше ик объектше- Республикын инвестиций вияҥдыме фондшо инвестор- влаклан комплексный полышым «ик окна» принцип дене пуа. Тений гыч тудо льготан займым 601 миллион теҥгелан пуаш ыштен. Фондым пойдараш манын 2025-ше гыч 2030-шо ий марте кок миллиардат 300 миллион теҥге марте колтымо лиеш. 2024-ше ийыште Республикыште туризмым вияҥдыме агентствым ыштыме. Тудо регионын туризм шотышто кумылаҥдыше имиджшым ыштымаште тырша.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски