Йошкар-Олаште чуваш тӱрым ончыктат

Йошкар-Олаште чуваш тӱрым ончыктат
          Йошкар-Олаште чуваш тӱрым ончыктат. Калык кидпаша сымыктыш тоштерыште у выставкым почаш ямдылалтыт. Кушкыжмын 28-ше ноябрьыште тушто «Чуваш тӱрын моторлыкшым» ончыктат. Ончерымат тыгак лӱмдымӧ. Тудо кажне ийын 26-шо ноябрьыште палемдыме Чуваш тӱрын кечыжлан пӧлеклалтеш. Фондысо коллекцийын негызшылан Марий Эл кундемыште погымо да Евсеев лӱмеш тоштерын фондышкыжо пурышо предмет- влак шотлалтыт. Тоштерын ончыктымыжо почеш мемнан республикыште 6 тӱжемат 25 чуваш ила. Нуно тӱшкан Звенигово районысо Чуваш отары ялыште да республикысе олалаште илат. Выставкыште кугу верым чуваш тӱрын мастарже- влак Ефимован, Лотован, Захарова- Кульеван пашат налыт. Тыгак тоштерыште Чебоксар ола гыч «Мир фантазий» йоча ушемыш коштшо йоча- влакын усталык пашаштым ужаш лиеш.
           Фото: Калык кидпаша сымыктыш сымыктыш тоштер.

Прошлые выпуски