Марий Эл догазификаций дене регион- влакын рейтингыштышт кокымшо верым айла
Марий Эл догазификаций дене регион- влакын рейтингыштышт кокымшо верым айла. Россий Правительствын вице-премьерже Александр Новакын вуйлатымыже почеш газаификаций шотышто федерал штабын заседанийже эртен. Марий Элым вуйлатышын кӱштымыжӧ почеш совещанийыште Правительстве вуйлатышын алмаштышыже Дмитрий Троицкий участвоватлен. Догазификаций пашам шуктымо дене российысе регион- влакын рейтингыштышт Марий Эл кокымшо верыште улеш. Догазификаций программыш ушанашлан республикыште 8 тӱжемат 618 йодмаш пурен. Тушечын 597 илем гыч 7 тӱжемат 145 йодмашыжым участке чек марте шуктымо. Президентын тӱналтышыже почеш яра догазификаций программыш сад товариществыламат пуртымо. Марий Элыште сад товариществе кундемлаште газым пуртыдымо пӧрт- влакын инвентаризацийыштым эртаыме. Тыге 11 сад товариществыште 378 пӧртым рашемдыме. Тений икымше август марте нине кумдыклам догазифицироватлыме план-графикым пеҥгыдемдыме лиеш. Тиде программе кышкарыште тений кум йоча садым, ик школым да фельдшер-акушер пунктым пӱртӱс газыш кусарат.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
