Марий Элым вуйлатыше «Иннопром-2024» ончерыште тӱҥ стратегий сессийыште лийын

Марий Элым вуйлатыше «Иннопром-2024» ончерыште тӱҥ стратегий сессийыште лийын
            Марий Элым вуйлатыше «Иннопром-2024» ончерыште тӱҥ стратегий сессийыште лийын. Марий Элын делегацийже Екатеринбургышто эртыше «Иннопром-2024» Тӱнямбал промышленный  выставкыште участвоватла. Участник- влак ончылно Россий Правительствым вуйлатыше Михаил Мишустин ойлен. Тудо палемден: тӱнямбал кокласе кылым келгемдымаш поснак кызыт кӱлешан: кугун пужен ыштыме жапыште, шуко шӧрынан тӱнян у рӱдерже- влак ышталтме годым. Тиде процессыште Россий ик эн тӱҥ верым налын шога, тӱрлӧ кугу санкций- влак ваштареш ӱшанлын кучедалеш. Промышленный сектор чытен лектын гына огыл, сайын кушмашым ончыкта. Российысе производитель- влак эл гыч кайыше йотэл компаний- влакым пӱтынек манаш лиеш вашталтеныт,- каласен Россий премьер- министрже.
            Марий Элын промышленный комплексше экономикыште 25 процент тыршышым да республикысе чыла налог парышын 50 процентшым ситара. Регионысо валовый продуктышто промышленностьын ужашыже 30 процентым айла. Кодшо ийын регионысо промышленный предприятий- влак 260 миллиард теҥгелан продукцийым колтеныт да пашам ыштеныт. Тидыже 2022-шо ийысе деч 27 утла процентлан шукырак. Промышленный производствын 114 процент индексше дене Марий Эл Российысе субъект- влак коклаште луымшо верым налын шога. Марий Элыште обрабатыватлыше производство аланыште 29 наре миллиард теҥгелан 19 кугу инвестиций проект шыҥдаралтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски