Михаил Васютин Йошкар-Оласе «Восточный» микрорайонышто чоҥалтше у школышто лийын
Марий Эл Правительстве председательын икымше алмаштышыже Михаил Васютин Йошкар-Оласе «Восточный» микрорайонышто чоҥалтше у школышто лийын. Тунемме тӧнежыште чоҥымо тӱҥ пашам шуктымо. Кызыт подрядчик стадион ден амфитеатрым тӱзландара. Михаил Васютин тунемме класслашке, актовый ден спорт заллашке пурен лектын. Йошкар-Ола мэрын сомылжым шуктышо Антон Трудинов дене школ кумдыкым онченыт. Тушто йолгорно- влак ышталтыт, воктелсе кундем тӱзландаралтеш. У тунемме тӧнеж- олан эҥер вес могырыштыжо илыше тунемше да ача-ава-влакынат шукертсек вучымо объектышт. Сандене чыла вийым вашкерак ыштен шукташ да у тунемме ийлан омсам почаш виктарыме, - ойлат мэрийын еҥже- влак.
Фото: Йошкар-Ола мэрий.
Фото: Йошкар-Ола мэрий.
