Марий Эл Правительствыште «Икымше- влакын толкынышт» дене кылым кучымо шотышто Координаций советын заседенийже лийын

Марий Эл Правительствыште «Икымше- влакын толкынышт» дене кылым кучымо шотышто Координаций советын заседенийже лийын
               Марий Эл Правительствыште «Икымше- влакын толкынышт» дене кылым кучымо шотышто Координаций советын заседенийже лийын. Тудым Правительстве вуйлатышын икымше алмаштышыже Михаил Васютин вӱден. Тудо палемден: «Икымше- влакын толкынышт»- тиде йоча да самырык- влак дене пашам ыштыше виян социал механизм. Тудо самырык- влакым шинчымашым пуышо, усталык да спорт проектлаш ушаш полша. Республикыште толкынын верысе пӧлкаже- влак чыла 17 муниципал образованийыштат улыт, тушто 282 первичный организаций пашам ышта. Марий Элыште Россий кӱкшытан да регионысо проект- влак шыҥдаралтыт. Тиде- «Историйым аралыше- влак», «Шанчыеҥ дене уналыкеш», «Икымше- влакын ӱжмышт» спорт проект, «Зарница 2.0» модмаш, «Эстафетым ме налынна» фестиваль да молат. «Авангард» рӱдер негызеш «Зарница» модмашын регионысо йыжыҥже эртен. Таҥасыше 16 команде гыч Марий Турек Нартасс школын командыже сеҥышыш лектын. Тудо республикын чапшым 21-ше гыч 27-ше июль марте округысо полуфиналыште Оренбург областьыште арала. Икымше июньышто «Икымше- влакын толкынышт дене Марий кеҥеж» фестиваль тӱҥалын. Тиде республикым вуйлатышын проектшым умбакыже шуйымаш. Кеҥеж мучко муниципалитетлаште шым тӱжем наре ӱдыр-рвезылан 360 мероприятий эрта. Йоча каныме лагерьлаште тематик смене- влакым ямдылыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски