Йошкар-Олаште «Изи гармоньчо» конкурсышто кӧ сеҥышыш лектын?

Йошкар-Олаште «Изи гармоньчо» конкурсышто кӧ сеҥышыш лектын?
           Йошкар-Олаште «Изи гармоньчо» конкурс уста ӱдыр-рвезе- влакым кум регион гыч чумырен. Республике – влак кокласе кӱкшытан гармоньчо- влакын да калык семӱзгар кансамбль- влакын «Изи гармоньчо» конкурсышт Йошкар-Олаште шуматкечын эртен. Тушко 8 гыч 17 ияш марте 15 исполнитель Марий Эл, Башкортостан да Киров область гыч погыненыт. Усталык конкурсын лектышыже дене Марий тӱвыра рӱдер палдара. Гармоньчо- влак коклаште Гран- прим Пошкырт вел Калтаса районысо Амчемучаш ял гыч Иван Петраев сеҥен налын. А семӱзгар- влак коклаште Гран- при марий тӱвыра рӱдерын «Падыраш» йоча фольклор ансамбльжылан логалын. Шке ийгот тӱшкаштышт икымше вер дене палемдалтыныт: 8 ияш марте Палантай лӱмеш калыкле сымыктыш гимназий гыч Богдан Тымбаршев, 9-10 ияш коклаште Палантай лӱмеш колледж пеленысе йоча сымыктыш школ гыч Макар Бусыгин, 9-10 ияш коклаште семӱзгарым шке шымлен тунемше- влак коклаште Марий Турек районысо Арбор тӱвыра пӧрт гыч Ростислав Васинкин, 11-13 ияш коклаште Параньга районысо Ирмучаш гыч Игнатий Гордеев, 14-17 ияш коклаште Марий Турек районысо Арбор тӱвыра пӧрт гыч Максим Михайлов палемдалтыныт. Гармоньчо ансамбль- влак коклаште икымше верым Арбор Тӱвыра пӧрт гыч Владислав ден Денис Петровмытын дуэтышт ден Палантай лӱмеш колледж пеленысе йоча сымыктыш школ гыч Макар Бусыгинын, Игнат Бирюковын да Иван Гаманюкын триошт пайленыт.
          Фото: Марий тӱвыра рӱдер.

Прошлые выпуски