Марий Турекыште тений школ паркым тӱзландарат

Марий Турекыште тений школ паркым тӱзландарат
             Марий Турекыште тений школ паркым тӱзландарат. «Марий Турек посёлкын  историй ужашыжым уэмдымаш» проектлан оксам республикын да верысе бюджет да спонсор- влак полшымо дене ойырат. Проектын тичмаш акше кок миллионат 390 тӱжем теҥгеш шуэш. Икымше ужашыште чапкӱм- сарыште вуйым пыштыше кыдалаш школын туныктышышжо ден тунемшыже- влаклан обелискым ачалаш палемдыме. 2023-шо ийыште йомшо лӱм- влакым пӧртылташ кычалме пашам эртарыме. Тиде кундемыште тыгак ешартыш волгыдым пуртат, теҥгылым, урным вераҥдат, йолгорнеш брусчаткым шарат. Пашан кокымшо йыжыҥжым 2025-ше ийлан палемдыме. Тудым «Оласе йӧнан кумдык» проект кышкарыште тӱшка каҥашымашке луктыт. Тушто йолгорно- влакым тӱзатен пытарышаш улыт, велогородокым, мини-сценым, видеоэскерымашым, тӱжвалне модаш ӱмылым пуышо левашым вераҥдышаш улыт.- увертара посёлкын администрацийже.
          Фото: Марий Турек посёлкын администрацийже.

Прошлые выпуски