Полдыран шудым пытарыдымылан 700 тӱжем теҥге марте штрафым тӱлыктен кертыт

Полдыран шудым пытарыдымылан 700 тӱжем теҥге марте штрафым тӱлыктен кертыт
             Полдыран шудым пытарыдымылан 700 тӱжем теҥге марте штрафым тӱлыктен кертыт. Россий Кугыжаныш Думын икымше лудмаште пеҥгыдемдыме законопроектше почеш мланде участкым кучышо- влак Сосновскийын полдыранже ваштареш кучедалшаш улыт. Законым шуктыдымылан штраф 700 тӱжем теҥгеш шуын кертеш. Депутат Сергей Колуновын мутшо почеш, ямдылыме документ тиде йот кушкыллан шарлаш чаракым ыштен кертеш. Тиде кушкыл у верыш логалмеке пеш вашке шарла, моло кушкылым шӱкен луктеш, вольык да еҥланат лӱдыкшым луктеш. Сандене Марий Элыште тудын дене кучедалаш 16 миллионат 500 тӱжем теҥге оксам ойырымо. Борщевикым солыдымылан штрафын кугытшым Сергей Колунов рашемден. Физический лица- влак 20 гыч 50 тӱжем теҥге марте, а юрлица- влак 400 гыч 700 тӱжем теҥге марте тӱлышаш улыт.

Прошлые выпуски