Марий Эл гыч Курчак театр Тольятти олаште фестивальыште сеҥышыш лектын
Марий Эл гыч Курчак театр Тольятти олаште фестивальыште сеҥышыш лектын. Тушто 26-шо июнь гыч 2-шо июль марте курчак театр- влакын Россий кӱкшытан «КукСъезд» фестивальышт эртен. Тушто Российысе 11 курчак театр шке спектакльыштым ончыктеныт. Марий Эл Республикысе курчак театр Татьяна Батракован «Колыбельный» автор йомакшым ончыктен. Фестивальын эксперт советшын пунчалже почеш «Колыбельныйым» эн сай спектакльлан шотлымо. Эксперт- влак палемденыт: тиде спектакльыште курчакым кугун пагалымаш да йӧратымаш шижалтеш, шке кид дене пеш чаплын ыштыме курчак. Тыгак Руслан Незеев ден Марий Элын калык артисткыже Эльвира Лисицынан актёр дуэтыштын пашажым палемдыме. Фестиваль Тольятти театрын 50 ияш лӱмгечыжым пайремлыме кышкарыште эртен.
Фото: Тӱвыра министерстве.
Фото: Тӱвыра министерстве.
