Марий Эл гыч сонарзе-биатлонист- влак шӧртньӧ да ший медаль- влакым сеҥен налыныт
Пошкудо кундемын пӱртӱс поянлык министерствыжын увертарымыже почеш, регион- влак кокласе 11-ше сонарзе биатлонышто 100 утла еҥ участвоватлен. Стартыш опытан сонарзе- влак дене пырля тӱҥалше- влакат лектыныт. Кажныже сай лектышым ончыкташ тыршен. Мемнан республике гыч кок пӧръеҥ команде да ик ӱдырамаш команде миен. Кажныштыже ныл еҥ лийын. Нуно кок йыжыҥым эртышаш улыт ыле - ик меҥгат пеле кужытым ече дене куржшаш да 30 метр тора гыч мишеньыш лӱйышаш.
Таҥасымаш тӱналме деч ончыч мемнан республике гыч участник- влак Эдуард Колумбаев ден Людмила Куянова Чувашийын виян спортсменже Алексей Григорьев дене пырля Российын тистыжым нӧлталыныт. Тидыже келшымашын да икоян улмын символжо лийын.
Марий Элын командыже сай лектышым ончыктен. Икымше верым «Габит» команде налын. Тушто Эдуард Колумбаев, Борис Зорин, Владислав Веселов да Пётр Герасимов таҥасеныт. Кокымшо вер «Акпатырлан» логалын. Тушто Олег Смирнов, Александр Иванов, Андрей Архипов да Алексей Сорокин кучедалыныт.
Специальный приз ден шӧртньӧ медальым Марий Эл гыч шкет гына улшо ӱдырамаш команде налын. Тушто Марина Багрова, Екатерина Соловьёва, Людмила Куянова лийыныт. Тидымат палемдыман: мемнан спортсмен Владислав Веселов эн писе лийын, а Алексей Сорокин ден Пётр Герасимов эн пӱсӧ семын палемдалтыныт да 2-шо ден 3-шо верым налыныт,- увертара республикысе янлык тӱня департамент.
Фото: Марий Элысе янлык тӱня департамент.
Таҥасымаш тӱналме деч ончыч мемнан республике гыч участник- влак Эдуард Колумбаев ден Людмила Куянова Чувашийын виян спортсменже Алексей Григорьев дене пырля Российын тистыжым нӧлталыныт. Тидыже келшымашын да икоян улмын символжо лийын.
Марий Элын командыже сай лектышым ончыктен. Икымше верым «Габит» команде налын. Тушто Эдуард Колумбаев, Борис Зорин, Владислав Веселов да Пётр Герасимов таҥасеныт. Кокымшо вер «Акпатырлан» логалын. Тушто Олег Смирнов, Александр Иванов, Андрей Архипов да Алексей Сорокин кучедалыныт.
Специальный приз ден шӧртньӧ медальым Марий Эл гыч шкет гына улшо ӱдырамаш команде налын. Тушто Марина Багрова, Екатерина Соловьёва, Людмила Куянова лийыныт. Тидымат палемдыман: мемнан спортсмен Владислав Веселов эн писе лийын, а Алексей Сорокин ден Пётр Герасимов эн пӱсӧ семын палемдалтыныт да 2-шо ден 3-шо верым налыныт,- увертара республикысе янлык тӱня департамент.
Фото: Марий Элысе янлык тӱня департамент.
