СВО-н ветеранже- влак ассоциацийын тенийлан тӱн пашаже- влакым рашемдыме

СВО-н ветеранже- влак ассоциацийын тенийлан тӱн пашаже- влакым рашемдыме
                СВО-н ветеранже- влак ассоциацийын тенийлан тӱн пашаже- влакым рашемдыме. Марий Элым вуйлатыше Юрий Зайцев СВО-н ветеранже- влак ассоциацийым вуйлатыше, Мужество орденын ныл гана кавалерже, «Талешке- влак» кадр программын участникше Роман Возняк дене вашлийын. Тудо январь мучашыште ассоциацийым вуйлатышылан сайлалтын.
                Юрий Зайцев ончыкылык пашан кӱлешан улмыжым палемден да у ответственный должностьыш сайлыме дене саламлен. Паша куштылго огыл. Тудым кучем орган, «Ачамландым аралыше- влак» фонд, моло ветеран организаций- влак дене чак вашкылым кучыде шукташ ок лий. Мемнан профилян министерстве- влак тыланда полшаш тӱҥалыт. Ассоциацийын тӱҥ цельже- мер илышыш ушаш, адаптацийлан полшаш ветеран- влакым иктыш чумыраш, нунылан социал да юрист полышым пуымаш улеш.- каласен республикым вуйлатыше. Тӱҥ задачыже- влак- ветеран- влакым право велым аралымаш, социал гарантий нерген законодательствым уэмдымаш, самырык тукымым патриотизм шӱлышеш шуарымаш.
            Роман Возняк регионым вуйлатышылан ӱшаным ыштымыжлан тауштен да организацийын паша принципше нерген каласкален. Ассоциацийыште кызыт 126 еҥ шотлалтеш. Тенийлан ик тӱҥ проектлан Республике гыч СВО-н геройжо- влакым Шарныме Книгам савыктымаш лиеш. Грант дене поддержатлыме проектыш 100 геройын пӱрымашышт нерген материалым погымаш да радамлымаш пура. Книга вуйым пыштыше- влакым пагалымашым ончыктымаш лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски