Йошкар-Олаште тенийлан корно паша планым пеҥгыдемдыме

Йошкар-Олаште тенийлан корно паша планым пеҥгыдемдыме
             Йошкар-Олаште тенийлан корно паша планым пеҥгыдемдыме. «Илашлан инфраструктура» калыкле проект кышкарыште рӱдӧ олаштына шым меҥге наре кужыт урем корнылам олмыктат. Оласе кучем подрядчик- влакым рашемден да олмыктымо паша графикым палемден. Тений уэмдымаш тӱҥ магистраль- влакымат, тыглай уремламат да социал объектла деке корнымат авалта. Эн кугу объектше- Воскресенский проспект. Сеҥымашлан 70 ий темме лӱмеш бульвар деч Чавайн бульвар марте ик меҥге кужыт ужашым «Корно мастер» ушемлан ачалаш пуымо. «Автодор» ушемымат кугу паша вуча. Тудо кок объектым олмыкта. Иквереш нуно кок меҥгат пеле кужытыш погынат. Тиде -Транспортный уремын Подольск курсант- влак урем деч «Ветеран» сад марте да Демьян Бедный уремын Йошкар Армий деч Подольскысо курсант- влак урем марте  ужашышт. Олмыктышаш эн кугу ужаш- Карл Маркс урем. «Экспертдорстрой» ушем подрядчик Ленин проспект деч Строитель урем кум меҥгат 300 метр кужытым уэмда.
           Фото: Марийскавтодор.

Прошлые выпуски