Марий Эл гыч спортсмен- влак куштылго атлетике дене шӧртньӧ да той медальым сеҥен налыныт

Марий Эл гыч спортсмен- влак куштылго атлетике дене шӧртньӧ да той медальым сеҥен налыныт
            Марий Эл гыч спортсмен- влак куштылго атлетике дене шӧртньӧ да той медальым сеҥен налыныт. Моско воктелсе Жуковский олаште 6-шо гыч 10-шо август марте кид-йол эмганен кушшо еҥ- влакын куштылго атлетике дене Россий кӱкшытан кеҥежымсе 4-ше Спартакиадышт эрта. Тушто мемнан республике гыч Тимофей Шабалин, Кирил Сидоркин, Дамир Марданов да Дарья Романова таҥасат. Самырык куштылго атлет- влак медаль верч куд куржталме, кум кышкыме да ик тӧрштылмӧ дисциплиныште кучедалыт.- увертара республикысн спорт да адаптаций школын пабликше. Таҥасымашын кокымшо кечыже мемнан атлет-влаклан 200 да 800 метрын куржмаште наградым конден. Кирилл Сидоркин 200 да 800 метрыш куржмаште кок шӧртньӧ медальым сеҥен налын. Дамир Марданов 800 метрыш куржмаште той медалян лийын.
             Фото: Республикысе спорт да адаптаций школын лаштыкше.

Прошлые выпуски