Юрий Зайцев Российысе «Знаний» обществын Марий Элысе эскерыше советшым вуйлата
Юрий Зайцев Российысе «Знаний» обществын Марий Элысе эскерыше советшым вуйлата. Республикым вуйлатышын кандидатурыжым «Знаний» обществын регионысо пӧлкажын Правительстве вуйлатышын пӧртыштӧ эртыше тӱшка погынымашыштыже сайлан шотлымо. Мероприятийыште Правительство председательын икымше алмаштышыже Евгений Кузьмин, Российысе «Знаний» обществын генеральный директоржын алмаштышыже Георгий Будный, МарГУ-н ректоржо Михаил Швецов, организацийын еҥже- влак лийыныт. Эскерыше совет каҥашыше орган улеш. Тудым кугыжаныш кучем орган, верысе самоуправлений, мер ушем, шанче, туныктыш да моло организаций- влакын шинчымашым шарыме пашам вияҥдыме дене кылдалтше йодыш- влакым ончымо годым пырля кылым кучышт манын ыштыме. Ме кызыт шинчымашым шарыме аланыште пашам пеҥгыдемдена. Марий Элысе тӱрлӧ площадкыште «Знанийын» мероприятийже- влак эртат, проектлашке самырык тукым чолган ушна. Регионласе пӧлка ден филиал- влакым вияҥдымылан кугу тӱткышым ойырена,- каласен Георгий Будный. Тӱшка погынымашыште регионысо пӧлкан эскерыше советшым сайлыме. Тудын вуйлатышыжлан Республикым вуйлатышым ойырымо. Тудын алмаштышыже правительстве председательын икымше алмаштышыже Евгений Кузьмин лийын.
Фото: Марий Элым вуйлатышын администрацийжын увер дене пашам ыштыше пӧлкаже.
