Волжск олаште Рӱдӧ площадьым уэмдаш шӱдӧ миллион теҥге оксам ойырымо
Волжск олаште Рӱдӧ площадьым уэмдаш шӱдӧ миллион теҥге оксам ойырымо. Тиде паша тушто умбакыже шуйна. Тиде проект оласе йӧнан кукмдыкым ыштымаш шотышто эн сай проект- влаклан Россий кӱкшытан конкурсышто сеҥышыш лектын. Тиде кумдыкым оласе калык шке ойырен налын. нунын шонымышт почеш кызыт тудо яра да шӱлыкан, но кугу ончыкылыкшо уло. Проект почеш йолын коштмо кумдыкым олмыктен вӱдым йоктарен колтымо системым ыштыман, кушкылым шындыман, волгалтарыме системым ваштален, видеоэскерыме йӧным вераҥдыман, резине шартышым шарыман йоча площадкым ыштыман, лӱҥгалтышым, шахмат ӱстелым, велопарковкым, теҥгылым, урным ыштыман. Объектым шӱдӧ миллион теҥгеш аклыме,- ойлат республикысе чоҥымаш министерствыште. Пашам 29-ше июльышто тӱҥалме. Кызыт тошто асфальтым кораҥдат, жаплан Пушкинын бюстшым кусарыме. Площадьыште чыла пашам идалык мучаш марте шуктышаш улыт.
Фото: Марий Элысе чоҥымаш министерстве.
Фото: Марий Элысе чоҥымаш министерстве.
