Сентябрь мучаш марте 300 миллион теҥгем шогышо кугу инфраструктура проектым илышыш шыҥдарен пытарат

Сентябрь мучаш марте 300 миллион теҥгем шогышо кугу инфраструктура проектым илышыш шыҥдарен пытарат
             Сентябрь мучаш марте 300 миллион теҥгем шогышо кугу инфраструктура проектым илышыш шыҥдарен пытарат. Медведево посёлкышто инфрастуктура бюджет кредит кӱшеш Сеҥымашлан 75 ий темме лӱмеш бульварым чоҥымо. Кызыт объект 99, 8 процентлан ямде. Районышко паша дене мийымыже годым Марий Элым вуйлатыше Юрий Зайцев пашан кузе кайымыжым аклен да у кумдыклан кӱкшӧ акым пуэн. Бульвар верысе калыкын ик эн йӧратыме верышкыже савырнен. Каныш кечылаште тушко Йошкар-Ола да Медведево район гыч йоча дене каналташ, моло ола гыч турист- влак толыт, Тау чоҥышо- влаклан. Нуно тӱҥ пашам жапыштыже, сай качестве дене шуктеныт.- каласен Юрий Зайцев. Бульварыште йолешке кумдыкым тӱзландарыме. Тушто паркысе светильник- влакым вераҥдыме, каныме, кеҥежым ужалкалыме  площадке, киоск- влак, велокорно, спорт зона, йоча модмо вер, сетодиодан кукшо кок фонтан ышталтын. Бульвар мучко кок вел гычат асфальт корно, парковко вер- влак улыт, кушкылым шындыме. Объектым 30-шо сентябрьыште почеш шонат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски