Марий Эл Правительстве ДОМ.РФ дене пырля илыме вер сферым чолган вияҥдат

Марий Эл Правительстве ДОМ.РФ дене пырля илыме вер сферым чолган вияҥдат
            Марий Эл Правительстве ДОМ.РФ дене пырля илыме вер сферым чолган вияҥдат. Кызыт республикыштына кугыжаныш компаний дене пырлят кумдыклам комплексно вияҥдыме 8 проект шыҥдаралтеш. Тушто 125 тӱжем квадрат метр илыме верым чоҥаш лиеш. Кызыт тыгак Оласе Мышино ял воктене илыме пӧртым да туныктымо тӧнеж- влакым чоҥымо йодыш каҥашалтеш. Марий Элым вуйлатыше Юрий Зайцевын «ДОМ.РФ» акционер обществын генеральный директоржо Виталий Мутко дене вашлиймашышт Петербургысо Тӱнямбал экономик форумышто эртен. Нуно кундемлам комплексно вияҥдыме да моло проект- влакым каҥашеныт. Тиддеч посна ДОМ.РФ ден Дом.РФ Фондын 2023-шо 2024-ше ий- влаклан финанс планышкышт Йошкар-Ола агломерацийын мастер-планжым ямдылымашым пурташ лийме йӧн ончалтеш. Республикыштына комплексно вияҥдыме проект- влак илыме кварталым вияҥдыме инфраструктура дене, школ да йоча сад дене чоҥаш полша. Таче кечылан 8 ойпидышым кылдыме да илышыш шыҥдаралтыт. ДОМ.РФ Мышино кундемыште кум кумдыкым темла. 560 тӱжем квадрат метр илыме верым чоҥаш, ныл школ ден 7 йоча садым нӧлташ темлалтеш. ДОМ.РФ Кундемым комплексно вияҥдыме проектым инфраструктура облигаций механизм полшымо дене шыҥдараш темла. Молан манаш гын паша шуко оксам йодеш. Марий Элым вуйлатыше палемден: Правительствын ДОМ.РФ дене кылым кучымыжо шке пайдалыкшым пеҥгыдемден ончыктен: Йошкар-Ола ден Медведево район кажне кечын сылнештыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски