Правительствын грантше дене «Кеҥеж сылнымутчо» проектым шыҥдарат

Правительствын грантше дене «Кеҥеж сылнымутчо» проектым шыҥдарат
           Республикысе правительствын грантше дене «Кеҥеж сылнымутчо» проектым шыҥдарат. «ВийАр» Тӱвыра кокласе кыл ушем тиде усталык проектым шыҥдараш правительствын гантшым налеш. Самырык автор- влаклан сылнымут семинар 18-ше гыч 20-шо август марте Волжский районышто эрта. Программе шинчымаш, психологий да тӱвыра модуль- влаклан шелалтеш. Тушко тренинг, палыме еҥ- влак дене вашлиймаш, усталык паша- вакым каҥашымаш пурат. Тӱвыра министерствын ончыктымыжо почеш тушто 50 утла еҥ ушна. Тиддеч вара «Кеҥеж сылнымутчо» сборникым ямдылаш тӱҥалыт. Тудо проектысе произведений-влакым чумыра. Правительствын грантшым 2019-ше ийыште пеҥгыдемдыме. Тудын кугытшо 300 тӱжем теҥге лиеш.
           Фото: Тӱвыра министерстве.

Прошлые выпуски