Юрий Зайцев Марий Эл гыч военнослужащийлан «Жуковын» медальжым, а самырык- влаклан - Россий Федерацийын гражданинжын паспортшым кучыктен

Юрий Зайцев Марий Эл гыч военнослужащийлан «Жуковын» медальжым, а самырык- влаклан - Россий Федерацийын гражданинжын паспортшым кучыктен
              Юрий Зайцев Марий Эл гыч военнослужащийлан «Жуковын» медальжым, а самырык- влаклан - Россий Федерацийын гражданинжын паспортшым кучыктен. Ленин лӱмеш площадьыште Российын кечыжлан пӧлеклалтше торжественный мероприятий лийын. Марий Элым вуйлатыше Юрий Зайцев республикысе калыкым да уна- влакым эн кӱлешан кугыжаныш пайрем дене саламлен да палемден: Российын кечыже кугу элна верч тыршыше да илыше, тудын интересшым аралыше- влакым ушен шога. Россиян- влак- геройло калык. Неле жапыште да куан годымат ме эре элнам аралаш, тудым чапландараш, чап ден кугешнымашыжым ешараш ваче-ваче чак шогалына, - каласен Юрий Зайцев. Регионым вуйлатыше рядовой Константин Просунченколан «Жуковын» медальжым кучыктен. Тудлан Россий Президентын Указше дене воин порысым шуктымо годым патырлык, лӱддымылыкым ончыктымыжлан кугыжаныш наградым кучыктымо. Торжественный мероприятийыште Юрий Зайцев Йошкар-Оласе школышто тунемше- влак Дмитрий Ландышев, Ирина Новосёлова, Анна Ташева, Денис Ганц, Вероника Ледова, Елизавета Семёнова да Евгений Букатинлан паспортым кучыктен. Калыкым тыгак Кугыжаныш Погыным вуйлатыше Анатолий Смирнов, Митрополит Иоанн, Йошкар-Олан мэрже Евгений Маслов, Йошкар-Ола» ола округым вуйлатыше Виктор Кузнецов саламленыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски