Республикыштына кӱшыл медицина шинчымашым пуымо пашам вияҥдат
Республикыштына кӱшыл медицина шинчымашым пуымо пашам вияҥдат. Марий Кугыжаныш университет тӱнямбал кӱкшытан медицине тӧнеж- Пенза оласе федерал шӱм да вӱргорно хирургий рӱдер дене вашкыл шотышто соглашенийым пеҥгыдемден. Вашкыл туныктымо паша кышкарыште вияҥаш тӱҥалеш. Мемнан ординатор- влак тушто практикым эртен кертыт. Марий университетыште ординатурын «Шӱм да вӱргорно хирургий» у программыжым почаш шонат. Тудым ыштымашке рӱдерын тӱҥ врачше, медицина шанче доктор Владлен Бызалев ушна. Тений майыште мемнан медицина институтын студентше- влак Уфа олаште «Российын у хирургий йодмашыже- влак» олимпиадыште таҥасеныт да кок коымшо да ик кумшо верым сеҥен налыныт. Шушаш ийын институт лу ияш лӱмгечыжым палемда. Кызыт тудо унивиерситетын вашке кушшо подразделенийжылан шотлалтеш. Тушто 2 тӱжем утла студент тунемеш.
Фото: МарГУ.
Фото: МарГУ.
