Кӱртньӧ корно вокзал воктелсе кумдыкым тений тӱзландараш палемдыме

Кӱртньӧ корно вокзал воктелсе кумдыкым тений тӱзландараш палемдыме
          Йошкар-Олаште кӱртньӧ корно вокзал воктелсе кумдыкым тений тӱзландараш палемдыме. Кӱртньӧ корно пашаеҥ- влакын скверышт шушаш ийын тӱзландарыме шотышто йӱклымаште ик эн шуко йӱкым поген. Но пашам тенияк тӱҥалаш шонат. Тыгай планым Рӱдӧ ола мэрын икымше алмаштышыже Лев Покровский куртньӧ корно инфраструктурын еҥже да проект шотышто вуйын шогышо- влак дене вашлиймаште ойлен. Ме республикысе транспорт министерствын примерже почеш ыштена. Тудо Российыште «Качестван лӱдыкшыдымӧ корно» калыкле проектым шыҥдарыме дене ончылно кая. Проектым ончылгоч шыҥдарыме годым, регион ешартыш полышым налын кертеш. Тыгай кундем- влакат улыт, кушто проектым шыҥдарен огыт шукто, йошкар зоныш логалыт да федерал финансирований деч посна кодыт. Скверым тӱзландарыме годым комплексный йӧн кучылталтеш. Корно проект почеш Яналов уремыште корно олмыкталтеш, ЖКХ пӧлка виктарыше компаний- влак дене  шуко пачеран пӧртла воктене кумдыкым тӱзландара, экологий комитет ужартыме йодышым виктара, сквер воктене у электроволгыдым пуртымо йодыш каҥашалтеш. А скверыште торшер шотан светильник лиеш, уремыште да транспорт коштмо деч ӧрдыжтӧ уремым волгалтарыме да троллейбусын контакт сетьше ик меҥгеш вераҥдалтеш.
             Фото: Йошкар-Ола администраций.

Прошлые выпуски