Марий Элым «Качестван лӱдыкшыдымӧ корно» калыкле проектым сайын шыҥдарымылан наградитленыт
Марий Элым «Качестван лӱдыкшыдымӧ корно» калыкле проектым сайын шыҥдарымылан наградитленыт. Москошто «Российын транспортшо» 18-ше Тӱнямбал форум ден выставке эртат. Тушто Марий Элым вуйлатыше Юрий Зайцев участвоватла. Мероприятий кышкарыште Россий Правительстве вуйлатышын алмаштышыже Марат Хуснуллин Марий Элым вуйлатышылан «Качестван лӱдыкшыдымӧ корно» калыкле проектым шыҥдарымаште пайдалын увер дене палдарымылан дипломым кучыктен. Марат Хуснуллин палемден: тений «Качестван лӱдыкшыдымӧ корно» калыкле проект мучашлалтеш. Тиде ик эн палыме проект, тудым калык сайын акла. Куд ий жапыште 150 тӱжем меҥге кужыт корным чоҥымо, пужен ыштыме да олмыктымо. 105 кугу ола агломерацийын корно сетьшым норматив марте шуктымо 2018-ше ий гыч ик миллиард квадрат метр наре кумдык асфальтобетоным шарыме.
Марий Эл тиде калыкле проектым шыҥдарымаште ик лидерлан шотлалтеш. Республикыште тений 307 меҥге автомобиль корным олмыктымо, 242 тӱжем тонн асфальтым шарыме. Юрий Зайцев палемден ыле: нормативыш тений шуктымо корнын кужытшо дене Марий Эл икымше верым айла. Асфальтым шарыме кумдык дене лу ончыл регион коклаш пурен. Республикыште «Илышлан инфраструктура» у калыкле проект кышкарыште 82 у троллейбусым налаш палемдыме, корнылам норматив марте шуктымо паша умбакыже шуйна.
Фото: Марий Элым вуйлатышын администрацийжын увер дене пашам ыштыше пӧлкаже.
Марий Эл тиде калыкле проектым шыҥдарымаште ик лидерлан шотлалтеш. Республикыште тений 307 меҥге автомобиль корным олмыктымо, 242 тӱжем тонн асфальтым шарыме. Юрий Зайцев палемден ыле: нормативыш тений шуктымо корнын кужытшо дене Марий Эл икымше верым айла. Асфальтым шарыме кумдык дене лу ончыл регион коклаш пурен. Республикыште «Илышлан инфраструктура» у калыкле проект кышкарыште 82 у троллейбусым налаш палемдыме, корнылам норматив марте шуктымо паша умбакыже шуйна.
Фото: Марий Элым вуйлатышын администрацийжын увер дене пашам ыштыше пӧлкаже.
