Марий Элым вуйлатыше Белгородым лӱйкалымаште эҥгекыш логалше- влаклан вашкерак тӧрланаш тыланен
Марий Элым вуйлатыше Юрий Зайцев шке телеграм-каналыштыже Белгородым лӱйкалымаште эҥгекыш логалше- влаклан вашкерак тӧрланаш тыланен. Тудо палемден: тушто азыренле осал паша ышталтын. Сар-куралдыме тыныс калык дене кредалмашым- лӱдмылан, умылтараш лийдыме терроризмлан шотлем. Россий нацизмлан тӱрысынек мучашым ыштышаш, - возен Марий Элым вуйлатыше. РИА Новостин увертарымыже почеш ВСУ-н лӱйкалымыжлан кӧра Белгородысо илыме пӧртын подъездше сӱмырлымӧ нерген увер- влак 11 шагатат 30 минутлан пуреныт. Вара 14 шагатат 13 минутлан эмганыше- влакын чотышт 19 еҥыш шуын, Нуным эмлыме верыш кондымо. Пӱтынь подъезд леведыш гыч тӱҥалын ӱлыкӧ марте сӱмырлен волен. Следствий комитет теракт нерген уголовный пашам тарватен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
