Марий Элым вуйлатыше ден Россий Федерацийын сенаторжо калыклан приёмым эртареныт

Марий Элым вуйлатыше ден Россий Федерацийын сенаторжо калыклан приёмым эртареныт
            Марий Элым вуйлатыше ден Россий Федерацийын сенаторжо калыклан приёмым эртареныт. Килемар районысо Нежныр селаште Тӱвыра пӧртым олмыкташ, Шернурышто универсал спорт площадкым оборудоватлаш, ола воктелсе Нолька посёлкышто рӱдӧ корнын ужашыжым шотыш кондаш палемдыме. Тыгай йодыш- влакым Марий Элым вуйлатыше Юрий Зайцев  да Федераций Советын оборона да лӱдыкшыдымылык шотышто комитетшым вуйлатышыжын икымше алмаштышыже Сергей Мартыновлан верысе калык Дмитрий Медведевын регионысо мер приёмныйыштыжо приёмым эртарыме годым пуэденыт. Регионым вуйлатыше палемден: калык дене кылым кучымо тыгай формат кӱлешан да ятыр йодышым виктарен колташ полша. Теве Нежныр села гыч ӱдырамаш тӱвыра пӧртым олмыкташ йодын. Правительстве вуйлатышын алмаштышыже- тӱвыра министр Константин Иванов тыге вашештен:. Тиде тӱвыра пӧрт у калыкле проектыш пурталтын. Правительстве тудым приоритет объект радамыш 2025-ше ийлан пурташ пунчалын. Тиде пашалан 12 миллионат 500 тӱжем теҥге ойыралтеш. Шернурышто илыше пӧръеҥ шукерте огыл демобилизоватлалтын, кызыт тренер пашам шукта. Тудо йоча да кугыеҥ- влакат кеч-могай жапыште спорт дене кылым кучен кертышт манын универсал спорт площадкым ышташ йодын. Юрий Зайцев йодмаш шукталтеш манын вашештен. Нолько посёлкышто илыше еҥ тӱҥ корнын начар ужашыжым олмыкташ полшаш йодын. Юрий Зайцев объектым эн ончыч ыштышаш паша спискыш пурташ да август мучаш марте олмыкташ кӱштен. Мер полыш штабыште Юрий Зайцев ден Сергей Мартынов окоплык сортам ямдылыше школьник- влак дене вашлийыныт. Юрий Зайцев тиде кӱлешан ӱзгар манын, а Сергей Мартынов йоча- влаклан фронтлан полшымыштлан тауштен ойлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски