Республикысе ик тӱвыра пӧртлан тӱвыран сулло пашаеҥжын лӱмжым пуэн кертыт
Республикысе ик тӱвыра пӧртлан тӱвыран сулло пашаеҥжын лӱмжым пуэн кертыт. Курык марий район администрацийыште Марий калыкын Россий кӱкшытан погынжын делегатше- влак дене вашлиймаш эртен. Ушештарена: Марий калык Погын Йошкар-Олаште 31-ше октябрь гыч 2-шо ноябрь марте лийын. Курык марий делегаций Район администрацийым вуйлатыше Наталья Арганякова дене шочмо йылмым арален кодымо йодышым каҥашеныт. Нуно 11 пункт дене решений- влакым приниматленыт. Нунын коклаште- район мучко «Акпарс» радиостудийын пашажым тӧрлымаш, курык марий йылме дене йоча газетлан чолганрак возалтме, «кырык мары юк» видеороликлам ямдылыме, школлаште патриотизм паша да тунеммаште шочмо йылмым кучылтшо йоча- влакым кумылаҥдымаш улыт. Тиддеч посна 21-ше февральыште Шочмо йылмын кечынже, курык марий костюмым шарен колтымо шотышто акцийым эртараш палемдалтеш. Тыгак Погынын делегатше- влак Виловат тӱвыра пӧртлан Марий АССР-ын да Россий Федераций тӱвыран сулло пашаеҥже Александр Сосновын лӱмжым пуаш темленыт.
Фото: Курык марий район администраций.
Фото: Курык марий район администраций.
