Республикыштына еш конкурс эртен
Республикыштына еш конкурс эртен. Калыкле тӱвыра пӧртыштӧ Ешын талукшылан пӧлеклалтше «Ача-ава дене пырля» конкурс эртен. Тудо Йошкар-Ола да вич район гыч лу ешым чумырен. Нуно кум турышто шке усталыкыштым ончыктеныт. Еш- влак тӱрлӧ сымыктышыште еш дене пырля усталык пашам шуктымышт нерген каласкаленыт. Нуно чыланат тӱрлӧ номинацийыште палемдалтыныт. Мутлан, Куженер гыч Петуховмыт еш «Эн сай еш» семын палемдалтыныт, У Торъял гыч Садовинмыт, «Пеҥгыде еш», Йошкар-Ола гыч Некрасовмыт еш «Келшен илыше еш», Звенигово кундем гыч Толстовмыт «Эн чолга еш», Йошкар-Ола гыч Захаровмыт «Вуйын шогышо еш», Морко гыч Цветникомыт «Шкештоан еш», Морко гыч Ивановмыт «Йӱлам аралыше еш», тушечак Петровмыт «Сымыктышым йӧратыше еш», Йошкар-Ола гыч Яковлевмыт «Поро кумылан еш» да Медведево гыч Ятмановмыт «Устан модшо еш» чапландарыше лӱмым налыныт. Участник- влаклан тау да саламлыме шомакым тӱвыра министрын алмаштышыже Игорь Садовин ден Марий тӱвыра рӱдерым вуйлатыше Ирина Якаева ойленыт.
Фото: Тӱвыра министерстве.
Фото: Тӱвыра министерстве.
