Марий Элыште палыдыме лийын кодшо салтак- влакым шарналтат

Марий Элыште палыдыме лийын кодшо салтак- влакым шарналтат
           Марий Элыште палыдыме лийын кодшо салтак- влакым шарналтат. Российыште 3-шо декабрьын шарнымашан кече палемдалтеш- Палыдыме салтакын кечыже. Тудо элысе кундемлаште але ӧрдыж эллаште сар пасуэш вуйым пыштыше совет да россий салтак- влакым шарнаш ышталтын. Молан кумшо декабрьым ойырен налме? Тиде кечын 1966-шо ийыште, Моско воктене немыч войскам кырен шалатымылан 25 ий теммым палемдыме годым палыдыме салтакын капшым Москосо Кремль пырдыж воктен Александровский садышке конден торжественно тойымо. Таче кечылан Кремль пырдыж воктене мемориал кӧ шке лишыл еҥжын кузе колымыжо, кушто тойымым огыт пале, нунын вуйым савыме символ шотан верыштлан шотлалтеш.
              Марий Элыштат лӱмыштым рашемдаш лийдыме салтак- влакым тойымо вер- влак улыт. «Демос» кычалше отрядын командирже Дмитрий Шипуновын мутшо почеш, Марково шӱгарлаште  Кугу Ачамланде сар годым Йошкар-Оласе госпитальлаште колышо 800 наре салтакын шӱгарышт уло. Тушечын лу утлажын лӱмышт пале огыл. Тений гына «МариМедиа» увер агентстве марий мландыште курымешлан верланыше салтак- влакын уныка ден кугезе уныкаштым кычал муын. Мутлан Иваново область гыч Борис Меньшиковын, Калуга область гыч Матвей Алексашинын, Иван Гусаковын, Владимир область гыч Иван Фокинын, Ярослав область гыч Флегонт Кузнецовын родо-тукеымыштым рашемдыме. Дмитрий Шипуновын мутшо почеш Палыдыме салтакын кечынже эше ик результатым увертарат.
               Военкоматын ончыктымыжо почеш Суслонгер посёлкысо тойымо верыште 170 еҥ шотлалтын. Кычалше отрядын паша лектышыже семын палыдыме салтак- влакын 700 наре пӱрымашыштым рашемдыме. Военный документ- влакын копийышт почеш Суслонгерысе тойымо верыште 1942-шо1945-ше ийлаште сусыр да чер деч колышшо 847 воин кия. Тыгак палыдыме эше ятыр боец улыт. Дмитрий Шипунов палемден: шушаш ийын Суслонгерыште вуйым пыштыше воин- влаклан мемориалым шогалтыме лиеш.
              Фото: МариМедиа.

Прошлые выпуски