Марий Элым вуйлатыше калыкын йодышыжлан вашештен

Марий Элым вуйлатыше калыкын йодышыжлан вашештен
               Марий Элым вуйлатыше калыклан приёмым эртарен. Йодыш- влак кундемлам тӱзландарыме, спортплощадкылам олмыктымо, илаш йӧрыдымӧ пӧртла гыч калыкым кусарымаш дене кылдалтыныт. Мутлан, Советский посёлкышто илыше Валерий Лебедев Советский уремыште верланыше районысо сарзе комиссариат деке намийыше корно ужашым ачалаш йодын. Район администрацийым вуйлатыше Антон Трудинов вашештен: тиде корным тӧрлаш шушаш ийлан палемдыме. Тушто тыгак тротуарым ыштат да уремым волгалтарат. Йошкар-Ола гыч Руслан Мочалов Сеҥымаш паркыште скейт паркым олмыкташ йодын. Мэр Евгений Маслов палемден: скейтпарк дене самырык- влак пеш чот чолган пайдаланат, южо элементшым пытартыш кок ийыште гына олмыктымо. Тудым тичмашын ачалаш шушаш ий шошылан май марте палемдыме. Самырык- влак тушто мунчалташ йӧратат. Сандене ынышт эмгане манын, тудым тӧрлыман. Ола гыч Надежда Гневашева Димитров уремыште 85-ше номеран аварийный пӧрт гыч кунам калыкым кусарыме жап нерген йодын. Мэр палемден: ола администраций кундемлам комплексно вияҥдыме программе кышкарыште аукцион процедурым увертараш да калыкым кусараш эре ямде. Республикым вуйлатыше йодышым контрольыш налаш задачым шынден.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски