Марий Элыште илыше ӱдырымашым элым ужалымылан титаклат

Марий Элыште илыше ӱдырымашым элым ужалымылан титаклат
              Марий Элыште илыше ӱдырымашым элым ужалымылан титаклат: украинысе спецлужбылан полшен да йотэлыш куржаш тӧчен. Республикын прокуратурыжо 48 ияш ӱдырамаш шотышто уголовный пашам судыш колтен. Тудо кугыжанышым ужалымылан да террорист организацийын пашашкыже ушнаш тӧчымылан титаклалтеш. Шымлымашым Россий ФСБ виктем прокуратурын эскерымыже почеш эртарен. Следствийын ончыктымыжо почеш 2023-шо ийыште тудо мессенджер гоч террорист организацийлан шотлымо украинысе военизированный  ушемын еҥже дене кылым ыштен, нунын радамыш медицина да озанлык пашаеҥ семын ушнаш кумылым ончыктен. Тидлан анкетым возен, шке данныйжым ончыктен да Россий гыч йочаже дене пырля каяш шонен. Но кугыжаныш чек гоч лекташ тӧчымӧ годым пограничный службын еҥже- влак кученыт. Следствий рашемден: ӱдырамаш украин спецслужбын еҥжылан шке кумылын кылым кучаш темлен. Оборонно-промышленный комплексын да Россий оборона министерствын объектше- влакын координатышт дене спутник снимке- влакым пуэн. Тидыже калыкле безопасностьлан лӱдыкшӧ семын аклалтеш. Уголовный пашам суд онча. Прокуратура элнан лӱдыкшыдымлыкшылан кугу лӱдыкшым ыштымыжым шотыш налын, титаклымашын серьёзный улмыжым шотыш налаш йодеш.

Прошлые выпуски